Wat ‘n groot eer en voorreg om aan die hoof te staan van ‘n toonaangewende skool en om deel te wees van die Laerskool Secunda familie.  Maar veel groter is die voorreg om in Secunda met die kroon van die skepping te kan werk.

Laerskool Secunda se personeel is professionele leerkragte wat gehalte onderrig met passie en entoesiasme aan ons ontvanklike jeug onderrig.  Ons ondersteun en koester elke leerder om te presteer na die beste van hul persoonlike vermoë en potensiaal.  Ons streef daarna om in samewerking met ons ouers, ons kinders toe te rus vir die toekoms om sukses te bereik.  Ons hoë akademiese standaard met klem op lees, gesyferdheid en skryf in die Grondslagfase maak van ons die nommer 1 toppresteerder.

Ons fokus op kleiner klasse en sodoende  verseker ons individuele aandag met die doelwit dat elke leerder hulle volle potensiaal bereik.  Ons span kundige leerkragte (gr. 4-7) bou verder op die grondslag en lei ons leerders tot toppresteerders wat gesog is in die Hoërskool.

‘n Dinamiese opvoedkundige-, kulturele- en sportprogram word deur ‘n onderwyskorps gelei tot voordeel van elke individu se behoefte.  Ons maak ‘n positiewe verskil op ALLE terreine.

Ons moet nooit bang wees om ‘n onbekende toekoms aan ‘n bekende God toe te vertrou nie.  Soggens wanneer ons godsdiens hou by die skool, lê ons daarop klem dat ons God se onderwysers in God se skool is wat na God se kinders kyk.

Die hartklop van Laerskool Secunda is gesetel in die wete dat ons ‘n skool is waar God regeer.